Эх орон, байгаль дэлхийгээ хайрладаг уламжлалт монгол зан заншлаа дээдэлж, хүн бүр байгалиа нөхөн сэргээх, хамгаалахад гар бие оролцох нөхцөлийг бүрдүүлэх, ойн сан, ногоон байгууламжийг нэмэгдүүлэх чиглэлээр хэрэгжүүлж байгаа олон талт ажлуудыг эрчимжүүлж, улмаар үндэсний хөдөлгөөн болгон өрнүүлэх зорилгоор Монгол Улсын Ерөнхийлөгчийн зарлигаар үндэсний мод тарих өдрийг жил бүр зохион байгуулдаг уламжлалтай.
Энэ хүрээнд намрын бүх нийтээр мод тарих өдөрт аймгийн ИТХ-ын төлөөлөгчид, Ажлын алба нэгдэн, заасан цэгт 20 гаруй мод тарилаа.
Намрын мод тарих үндэсний өдрийн хүрээнд Жаргалант сумын Бичигт багийн урд талын засмал зам болон махны үйлдвэрүүдийн хооронд 5 га газарт мод тарихаар төлөвлөсөн байна.
Мод тарих үндэсний өдрөөр бүх нийтээрээрээ мод, бут, сөөг, цэцэг тарих, цаашид арчлан хамгаалах, түүнийгээ амьдралын хэв маяг болгоцгооё.
