Эрдэнэбүрэн сумын Намарзан багийн малчин Г.Лхагва-Очир гэр бүлтэйгээ 30-аад жил мал сүргээ 5 төрөл дээр нь өсгөж, 2013 онд “Сумын аварга малчин” болж байсан бол 2020 оны жилийн эцсийн мал тооллогоор 1000 гаруй мал тоолуулж, “Аймгийн аварга малчин” боллоо.
Аймгийн аварга малчин Г.Лхагва-Очирынх энэ хавар 400 төл мал хүлээн авч Цамбагарав хайрхныхаа өвөр хойд талд, дунд бүсээр өвөлжиж, хаваржиж, зуншиж байна. Намартаа Ховд голын Ганган шарын хөвөө гэх газрын сав газраар намаржиж, хадлангаа хийдэг гэж аймгийн аварга малчин Г.Лхагва-Очир хэллээ.
